Region Liqasında təhqiredici sözlər, hakimi döymək və aqressiv davranış

Yazar araz 28 fevral 2018 14:25 1262 nəfər baxıb

Region Liqasında təhqiredici sözlər, hakimi döymək və aqressiv davranış

İntizam Komitəsinin növbəti iclası keçirilib.

Sportfm.az saytı xəbər verir ki, tədbirdə Region Liqasının son turunda baş verən olaylarla bağlı qərarlar qəbul edilib.

25 fevral 2018-ci il, Region Liqasının, “Şağan” (Bakı) – “Ümid Masallı” (Bakı) matçının 36-cı dəqiqəsində “Şağan” klubunun 3 №-li futbolçusu Talıb Cabbarov təhqiredici ifadələr işlətdiyinə görə meydandan kənarlaşdırıldığı üçün 3 oyun cəzalanır. Oyunun 36-cı dəqiqəsində “Şağan” klubunun 22 №-li futbolçusu Namiq Salayev aqressiv davranış, hakimə qarşı fiziki təzyiq göstərdiyinə görə birbaşa qırmızı vərəqə alaraq meydandan kənarlaşdırıldığı üçün 10 oyun cəzalanır.
İntizam Komitəsi “Şağan” klubunu daxili nizam-intizam qaydalarına riayət etmələri haqqında xəbərdarlıq edir. Bu hal yenidən təkrarlanacağı təqdirdə klubu daha ağır cəza gözləyir.
Oyunun 58-ci dəqiqəsində “Ümid Masallı” klubunun 22 №-li futbolçusu Elnur İbadov ikinci sarı vərəqə alaraq meydandan kənarlaşdırıldığı üçün 1 oyun cəzalanır.
25 fevral 2018-ci il, Region Liqasının, “Neftçala” (Neftçala) – “Gənclik” (Sabirabad) matçının 72-ci dəqiqəsində “Gənclik” klubunun 18 №-li futbolçusu Rəsul Sadiqli ikinci sarı vərəqə alaraq meydandan kənarlaşdırıldığı üçün 1 oyun cəzalanır.
25 fevral 2018-ci il, Region Liqasının, “Tufan” (Bakı) – “Şıxlar” (Qobustan) matçının 88-ci dəqiqəsində “Şıxlar” klubunun 4 №-li futbolçusu Mərfət Qəniyev aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır.