"Neftçi"dən ayrılan Dario Frederiko Cənubi Koreyanın “Daequ” klubuna transfer oldu. 

Klubun rəsmi saytı bu barədə məlumat yayıb. Müqavilənin detalları barədə isə bilgi verilməyib. 

Sportfm.az xəbər verir ki, bu keçid “Daequ”ya 130 min avroya başa gəlib. 

27 yaşlı vinger komandanın Çindəki təlim-məşq toplanışına qatılıb. Frederiko mövsümün əvvəlində “Kəpəz”dən "Neftçi"yə keçmişdi. 

O, "ağ-qaralar"ın heyətində 17 oyunda 3 qol vurub. Dario daha öncə Cənubi Koreyanın "Sonnam" klubunda top qovub.