İspaniyanın “Barselona” klubu əsas komandanın kapitanı Lionel Messiyə karyerasının sonuna qədər müqavilə təklif edib.

Sportfm.az xəbər verir ki, Kataloniya təmsilçisi 32 yaşlı hücumçu ilə 2021-ci ilin yayına qədər olan sözləşmənin müddətini yeniləmək istəyirlər. Argentinalı forvard da dəfələrlər karyerasını “Barselona”da başa vurmaq istədiyini söyləyib.

Qeyd edək ki, “Barselona”nın yetirməsi olan Messi əsas komandada 2004-cü il oktyabrın 16-da debüt edib və hazırda klubun ən titullu futbolçusudur. O, 10 dəfə İspaniya və 3 dəfə klublararası dünya çempionu olub. Forvard 6 dəfə ölkə kubokunun, 8 dəfə ölkə Super Kubokunun, 4 dəfə Çempionlar Liqasının, 3 dəfə UEFA Super Kubokunun qalibi adını qazanıb. Argentinalı futbolçu 5 dəfə “Qızıl top”a və 6 dəfə isə “Qızıl buts”a layiq görülüb.

Oxşar xəbərlər

Messi kubok sayında dünya rekordunu təkrarladı

Messiyə “Qızıl buts” mükafatı təqdim olundu

İnyestanın Çin klubu ilə müqaviləsinin detalları müəyyənləşdi

"Barselona" Xerard Pike ilə müqavilə müddətini uzatdı

Messi "Barselona"da qalır - 700 milyon avroya