Bu ilin dekabrında Yaponiyanın paytaxtı Tokioda keçirilməsi planlaşdırılan Dünya Cüdo Turunun mərhələsi - Böyük Dəbilqə yarışı ləğv edilib. 

Sportfm.az xəbər verir ki, buna koronavirus pandemiyası səbəb olub. 

IJF bəyan edib ki, pandemiya ilə bağlı qeyri-müəyyənlik, eləcə də Yaponiyada Yay Olimpiya Oyunlarının keçirilməsi bu ölkədə idman tədbirlərini planlaşdırarkən xüsusən ehtiyatlı olmağı tələb edir.

Əvəzində qurum Macarıstan və Qətərdəki Dünya Cüdo Turunun digər mərhələlərini təşkil edəcək.  

Yarışlar Tokio Yay Olimpiya Oyunlarına lisenziya xarakterli olacaq. Olimpiada 2021-ci il  23 İyul - 8 avqustda gerçəkləşəcək. 

Qeyd edək ki, bu il Bakıda cüdo üzrə Böyük Dəbilqənin təşkili nəzərdə tutulurdu. Lakin yarış koronavirus pandemiyası səbəbindən baş tutmayıb.  

Oxşar xəbərlər

Bakıdakı Böyük Dəbilqə yarışı bərpa olundu

Dünya Kuboku ləğv edildi - Gimnastika üzrə

Bakıda Böyük Dəbilqə keçirilməyəcək - Səbəb açıqlandı

Millimizin qatılacağı yarışların vaxtı bilindi

Olimpiadada futbol yarışlarının vaxtı məlum oldu