Azərbaycanın sərbəst güləş üzrə olimpiya, dünya və Avropa çempionu Şərif Şərifov zədələnib.

Sportfm.az xəbər verir ki, 97 kq çəki dərəcəsində mübarizə aparan 33 yaşlı pəhləvan Fransanın Nitsa şəhərində keçirilən Qran-pridə problemlə üzləşib.

Qrup sistemi ilə gerçəkləşən mübarizədə əvvəlcə Gürcüstan təmsilçisi Givi Matçaraşviliyə 3:8 hesabı ilə uduzan Şərifov daha sonra Rumıniyadan olan Mixael Manyaya qalib gəlib - 11:0. Lakin bu qələbə təcrübəli güləşçiyə zədə bahasına başa gəlib. Nəticədə o, ABŞ pəhləvanı Kayl Snayderlə yarımfinal, Polşadan olan Radoslav Baranla isə bürünc medal görüşünə çıxa bilməyib.

Qeyd edək ki, Şərif Şərifov 2011-ci ildə dünya, 2012-ci ildə Avropa çempionu olub.

Oxşar xəbərlər

Şərif Şərifov beynəlxalq turnirin qalibi oldu - Türkiyədə

Tanınmış güləşçilərimiz Qran-pridə iştirak etməyəcək - Fransada

ŞOK - Olimpiya çempionumuz koronavirusa yoluxdu

Olimpiya çempionumuz dünyanın ən yaxşıları sırasında - FOTO

Şərif Şərifov Avropa Çempionatında qızıl medal qazandı