Gələn il yanvarın 19-dan fevralın 6-dək Niderlandda keçiriləcək və Azərbaycan millisinin də iştirak edəcəyi futzal üzrə Avropa çempionatının final mərhələsinin oyun günləri açıqlanıb.

Sportfm.az xəbər verir ki, əvvəlki illərdən fərqli olaraq bu dəfə qrup mərhələsinin oyunları 11 gün davam edəcək. Buna səbəb final mərhələsində iştirak edəcək komandaların sayının 12-dən 16-ya çatdırılmasıdır.

"A" və "C" qrupunun oyunları Amsterdamda, "B" və "D" qrupunun qarşılaşmaları isə Qroningendə keçiriləcək. Dörddəbir və yarımfinal, eləcə də üçüncü yer və final oyunları Amsterdamda təşkil olunacaq.

Qeyd edək ki, final mərhələsinin püşkatma mərasiminin tarixi hələ dəqiqləşməyib. Çox güman bu tədbir noyabrda keçiriləcək pley-off oyunlarından sonra baş tutacaq.

Oxşar xəbərlər

Türkiyə Portuqaliya ilə düşdü - DÇ-2022

Millimizin baş məşqçisi püşkatmada iştirak edəcək - Avro-2022

Klublarımız üçün avrokubokda 2021/22 mövsümünün təqvimi - SİYAHI

UEFA Avropa çempionatının yeni təqvimini açıqladı

Dünya çempionatının pley-off mərhələsinin püşkatma tarixi məlum olub