2018-ci ildə Rusiyada keçiriləcək dünya çempionatının Avropa zonası üzrə pley-off mərhələsinin püşkatma mərasiminin tarixi məlum olub. Püşkatma mərasimi oktyabrın 17-də İsveçrənin Sürix şəhərində təşkil olunacaq.

Sportfm.az FIFA-nın saytına istinadla xəbər verir ki, reqlamentə görə, qrup qalibi olan doqquz komanda Rusiyada keçiriləcək final mərhələsinə birbaşa vəsiqə qazanacaqlar. İkinci yeri tutan doqquz komandadan ən yaxşı göstəriciyə malik səkkizi isə pley-off oyunlarında iştirak etmək üçün dörd cütlüyə bölünəcək. Noyabrın 9-da və 14-də evdə və səfərdə keçiriləcək qarşılaşmaların qalibləri olan millilər də mundiala qatılacaqlar.

Qeyd edək ki, hələlik Avropa zonasından dünya çempionatı 2018-ə birbaşa vəsiqəni “H” qrupunun qalibi Belçika əldə edib.

Oxşar xəbərlər

İlkin mərhələyə yekun vuruldu - DÇ-2024

Türkiyə Portuqaliya ilə düşdü - DÇ-2022

Pley-off mərhələsinin püşkü atılacaq - DÇ-2022

Final mərhələsinin oyun günləri məlum oldu - Avropa çempionatı

Çempionlar Liqasında püşkatmanın vaxtı məlum oldu