AFFA-nın təşkilatçılığı ilə keçirilən Coca-Cola U-13 Liqasına yekun vurulub.

Sportfm.az xəbər verir ki, yarışın son günündə final və III yer uğrunda qarşılaşma keçirilib. Qızıl medallar uğrunda matçda "Qəbələ" və "Vətən" qarşılaşıb. Oyunun taleyini 1 qol həll edib. Rəqibinə minimal hesabla qalib gələn "Qəbələ” çempion tituluna yiyələnib. Qarşılaşmadan sonra komandaya çempionluq kuboku və qızıl medallar təqdim edilib.

Bu, "Qəbələ" akademiyasının cari mövsümdə üçüncü uğurudur. U-13-ə qədər U-16 və U-15 də qızıl medallara yiyələnib.

Xatırladaq ki, "Qəbələ” bunadək final mərhələsində Naxçıvan UGİM-ini (5:0, 6:0), "İnter”i (1:0, 1:1) və "Mançester Yunayted”i (0:0, 1:0) məğlub edib.