Monteneqronun Budva şəhərində keçirilən şahmat üzrə klublararası Avropa Kubokunda V tur başa çatıb.

Sportfm.az xəbər verir ki, kişi şahmatçıların yarışında "Vüqar Həşimov" komandası Slovakiyanın "Slaviya" klubuna 2,5:3,5 hesabı ilə uduzub.

Hazırda "Vüqar Həşimov" klubu 6 xalla 22-ci pillədə qərarlaşıb.

Qadın şahmatçıların yarışında çıxış edən "Odlar Yurdu" isə Serbiyanın "Srvena Zvezda" klubunu 3:1 hesabı ilə məğlub edib. Hesabında 8 xal olan "Odlar Yurdu" turnir cədvəlində 2-3-cü yerləri bölüşür.

"Vüqar Həşimov" klubunda Rauf Məmmədov, Aydın Süleymanlı, Şiroğlan Talıbov, Read Səmədov, Xəzər Babazadə, Vüqar Manafov və Kənan Qarayev, "Odlar Yurdu"nun heyətində isə Ülviyyə Fətəliyeva, Gövhər Beydullayeva, Günay Məmmədzadə, Xanım Balacayeva və Gülnar Məmmədova mübarizə aparır.

"Vüqar Həşimov" klubunun heyətində yarışan Aydın Süleymanlı IV turda özbəkistanlı şahmat ulduzu Nodirbek Abdusattarovu məğlub etməklə diqqət çəkib.

Bu gün Avropa Kubokunda VI turun partiyaları oynanılacaq - "Vüqar Həşimov" Almaniyanın "Sankt Pauli 1910", "Odlar Yurdu" isə Lüksemburqun "Qambit Bonnevua" klubu ilə qarşılaşacaq.

Avropa Kubokuna oktyabrın 23-də yekun vurulacaq.

Oxşar xəbərlər

"Odlar yurdu" dünya çempionatında mübarizə aparacaq

“Vüqar Həşimov” İsrail klubuna qarşı - Azərbaycan Kuboku

Azərbaycan klubu Avropa kubokunda mübarizəyə başlayır

Komandalarımız Avropa Kubokuna qələbə ilə başladı

Şahmatçılarımız Avropa kubokuna qələbə ilə start verdi