UEFA Türkiyənin “Trabzonspor” klubunu cərimələyib.
Sportfm.az xəbər verir ki, buna komandanın Finlandiyada “KuPS”a qarşı keçirdiyi UEFA Konfrans Liqasının 1-ci turunun oyununda yaşananlar səbəb olub.

Super Liqa klubu azarkeşlərin hərəkətlərinə görə ziyana düşüb.

Sözügedən qarşılaşmada pirotexniki vasitələrin yandırılması və meydana əşyaların atılmasına görə “Trabzonspor” 80 000 avro ödəyəcək. Bundan əlavə, klub növbəti səfər matçında azarkeşsiz qalacaq.

Meydana azarkeşin daxil olması ucbatından klub 15 000 avro cərimələnib. Türkiyə təmsilçisi stadiona vurulan ziyana görə 5 000 avro ziyana düşüb. Həmçinin, qırılan 13 oturacağın məbləğini ödəmək üçün Finlandiya komandası ilə əlaqə saxlanılmalıdır.

“Trabzonspor” Finlandiyada keçirilən matçda rəqibini 4:2 hesabı ilə məğlub edib.

Oxşar xəbərlər

UEFA "Qarabağ"ın rəqibini cərimələdi

UEFA Azərbaycan klubunun rəqibini cərimələdi

Ermənistan Futbol Federasiyası cəzalandırıldı

UEFA-dan “Qarabağ”a görünməmiş cəza

UEFA “Qarabağ”ı cərimə etdi - 45750 avro