Avropa Liqasının final matçı ilə əlaqədar Bakıya gələcək növbəti məşhur futbolçuların adları açıqlanıb.

Sportfm.az xəbər verir ki, yaxın vaxtlarda Eydur Qudyonssen, Deko, İrji Dudek, Revaz Arveladze və Mikael Essyen kimi ulduzlar Azərbaycan paytaxtına səfər edəcəklər.

Onlar yerli futbol veteranlarından Vəli Qasımov, Nazim Süleymanov və digər futbol ulduzları ilə birgə futbol oynayacaqlar. Martın 3-də keçiriləcək “Bakı 2019: Ulduzlar Finalı” adlı qarşılaşma saat 12:30-da başlanacaq.   

Hər komandada 5 oyunçu meydana çıxacaq, 1 oyunçu isə ehtiyat oyunçular skamyasında əyləşəcək. Komandanın heyətinə bir nəfər Region Liqasından, 2 nəfər isə müsabiqə yolu ilə seçiləcək. Bundan əlavə, Avroliqanın finalına həsr olunmuş “İntellektual Kubok”un qalibi İTV komandasının kapitanı Tural Dadaşov “böyük oyun”da media nümayəndələrini təmsil edəcək.

Qeyd edək ki, final oyunu mayın 29-da Bakı Olimpiya Stadionunda təşkil olunacaq. 

Oxşar xəbərlər

Ulduz futbolçular Bakıda avtoqraf payladı - FOTO

Ölkə prezidenti İlham Əliyev ulduz futbolçularla görüşdü - FOTO

Prezident İlham Əliyev "Ulduzlar Finalı"nda - FOTO

Yanacaqdoldurma məntəqəsində işləyən futbolçumuz "Ulduzlar finalı"nda

Arşavin Bakıya gələcək - FOTO