Voleybol üzrə kişi və qadınlar arasında Avropa Olimpiya Təsnifat turnirlərinin ev sahibləri və yarışların keçirilmə vaxtları dəqiqləşib. 

Sportfm.az xəbər verir ki, qadın voleybolçulardan ibarət Azərbaycan millisinin də çıxış edəcəyi şəhər və qrup müəyyənləşib. 

Hollandiyanın Apeldorn şəhərində baş tutacaq turnir 7 - 12 yanvar 2020-ci ilə təsadüf edəcək. 8 ölkənin mübarizə aparacağı yarış Tokio-2020 Yay Olimpiya Oyunlarına Avropadan son iştirakçının adını müəyyənləşdirəcək. Bu “səkkizlik” isə axırıncı qitə çempionatının nəticələrinə əsasən bəlli olub.

Azərbaycan millisi A qrupunda Hollandiya, Bolqarıstan və Polşaya qarşı oynayacaq. B qrupunda isə Türkiyə, Almaniya, Xorvatiya və Belçika yer alacaq. Turnirin qalibi olimpiadaya vəsiqə qazanacaq. 

Kişilərin mübarizəsi isə 5 - 10 yanvarda Almaniyanın paytaxtı Berlində baş tutacaq. Burada ev sahibləri ilə yanaşı, Belçika, Bolqarıstan, Çexiya, Fransa, Hollandiya, Serbiya və Slovakiya gücünü sınayacaq. 

Azərbaycan millisinin oyunlarının təqvimi.

Oxşar xəbərlər

Millimiz lisenziya xarakterli turnirin hazırlıqlarına başladı

Məşqçilər heyəti formalaşdırıldı

Azərbaycan millisinin oyunlarının təqvimi məlum oldu - SİYAHI

Azərbaycan millisinin oyunlarının təqvimi məlum oldu

Azərbaycan millisinin rəqibləri müəyyənləşdi