Voleybol üzrə qadınlardan ibarət Azərbaycan milli komandasının məşqçilər heyəti formalaşıb.

Sportfm.az xəbər verir ki, federasiyanın I vitse-prezidenti Faiq Qarayev yığmaya məsləhətçi təyin olunub.

Komanda isə Famil Ağayev, Vasif Tаlıbov və Eldar Yusubovdan ibarət məşqçilər heyətinə tapşırılıb. Komandanın meneceri isə Oksana Parxomenko olacaq.

Millinin ilk sınağı Hollandiyada Avropa olimpiya təsnifat turniri olacaq. Apeldorn şəhərində baş tutacaq turnir 7 - 12 yanvara təsadüf edəcək. 8 ölkənin mübarizə aparacağı yarış Tokio-2020 Yay Olimpiya Oyunlarına Avropadan son iştirakçının adını müəyyənləşdirəcək. Bu “səkkizlik” isə axırıncı qitə çempionatının nəticələrinə əsasən bəlli olub.

Azərbaycan millisi A qrupunda Hollandiya, Bolqarıstan və Polşaya qarşı oynayacaq. B qrupunda isə Türkiyə, Almaniya, Xorvatiya və Belçika yer alacaq. Turnirin qalibi olimpiadaya vəsiqə qazanacaq.

Qarayev turnirin başlama vaxtından narazılığını bildirib. Onun sözlərinə görə, turnirin yeni ilin ilk günlərində start götürməsi voleybolçuların hazırlığına təsirsiz ötüşməyəcək.

Oxşar xəbərlər

Millimiz lisenziya xarakterli turnirin hazırlıqlarına başladı

Azərbaycan millisinin oyunlarının təqvimi məlum oldu - SİYAHI

Azərbaycan millisinin oyunlarının təqvimi məlum oldu

Millimizin çıxış edəcəyi qrup müəyyənləşdi

Azərbaycan millisinin rəqibləri müəyyənləşdi