Azərbaycanlı iki idmançı antidopinq qaydalarını pozduğu üçün müəyyən müddətə idmandan uzaqlaşdırılıb.

Sportfm.az xəbər verir ki, bu barədə Azərbaycan Milli Antidopinq Agentliyi (AMADA) məlumat yayıb. Taekvandoçu Ramin Əzizov və cüdoçu Könül Əliyeva dopinqdən istifadə etdiyi üçün cəzalandırılıb.

Ramin Əzizov 2, Könül Əliyeva isə 1 illik diskvalifikasiya edilib. Əzizovun cəzası fevralın 25-dən, Əliyevanınkı isə 19-dan hesablanır.

Qeyd edək ki, 2017-ci ildə Bakıda keçirilmiş İslam Həmrəyliyi Oyunlarının qalibi olub. 2012-ci ildə Avropa çempionatında gümüş, 2014-cü ildə eyni yarışda bürünc medal əldə edib. O, 2014-cü ildə Cənubi Koreyadakı dünya çempionatında bürünc medal qazanıb.