2020-ci il Tokio Yay Olimpiya Oyunlaına lisenziya xarakterli Avropa Təsnifat Turnirinə hazırlığı davam etdirən Azərbaycanın voleybolçu qadınlardan ibarət milli komandası Bakıdakı təlim-məşq toplanışını başa vurub.

Sportfm.az xəbər verir ki, yığma bu gün hazırlığın növbəti mərhələsi üçün Türkiyəyə yola düşüb.

Vasif Talıbovun baş məşqçi olduğu komanda qonşu ölkədə yoxlama matçında da qüvvəsini sınayacaq. Rəqiblər “Fənərbaxça” və “Türk Hava Yolları” olacaq. Bundan sonra milli üzvləri Polşa toplanışı çərçivəsində yerli yığma ilə üz-üzə gələcək.

Avropa Olimpiya Təsnifat Turniri 7 - 22 yanvarda Hollandiyanın Apeldorn şəhərində keçiriləcək. A qrupunda yer alan Azərbaycan millisi mübarizəyə ev sahibləri ilə başlayacaq.

Ardınca Bolqarıstanla qarşılaşacaq yığma son matçda Polşa ilə üz-üzə gələcək. Digər qrupda isə Almaniya, Türkiyə, Xorvatiya və Belçika qüvvəsini sınayacaq. Yarışın qalibi Tokio olimpiadasına lisenziya qazanacaq.

Oxşar xəbərlər

Millimiz bu gün Bolqarıstanla qarşılaşacaq

Polşaya məğlub olan millimiz Niderlanda yollandı

Yığma komandamız Polşa ilə qüvvəsini sınayacaq

Millimiz lisenziya xarakterli turnirin hazırlıqlarına başladı

Yığmamız Olimpiya Təsnifat Turnirinə yollandı